رسالة مواطن إلى خادم الحرمين الشريفين

من طرف b!@ck_Mo0oDy الإثنين مارس 17, 2008 9:02 am

أوجه رسالة للوالد القائد خادم الحرمين الشرفين (حفظة الله وأطال في عمره)> من واجبات الأبووووه أن الأب يستمع لصرخات أبنه وضمه على صدره وإذابة كل آلامه> والملك زي ابوي،، لأحد يتدخل بين أب وطفله> @ @ @> @ @ @> ابشرك يا خادم الحرمين الأسعار مضبوطة والمواد الغذائية متوفرة> ما نقصنا بس إلا الخبز يرفعون سعره> وخذ عندك بعض الأسعار> قشطة المراعي صارت 4 ريال> حبة المظبي 22 ريال> الكفرات ارتفعت 30 بالميه> الأدوية 25 بالمية> تخيل يا خادم الحرمين جبن كرافت والمراعي السايل ارتفع> طيب وش نسوي لبزارينا المشكلةيقدرون الكرافت السايل مع الصامولي> الببسي صار 20.5> والأيجارات أرتفعت> وقسايم المرور زادت> الحمدلله على النعمه أمن وآمان> الله لا يغير علينا> حتى رز ابو كاس ارتفع> لا وازيدك من الشعر بيت رزمة الكراث والبصل صارت بريالين> شفت شلون حنا بنعمه]> > @ @ @> بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه> ونعطي لبنان مليار ونص دولار> ونرسل لمصر المعونه السنويه> تعرف ماشاء الله حنا.. من كثر الفلل التمليك.. الناس صارو يأجرون ببلاش> ممكن طلب طال عمرك.. ابي سلف 12000 ريال ]> عندي دين اسدد فيه لي سنه ولا خلص.. كل شهر 500 ريال> الله يرحم حالنا والله..> @ @ @> ابشرك طال عمرك> قبل كم يوم حطم سعر برميل البترول الرقم القياسي وصار يباع بـ 99 دولار> ورصيدي أيضا حطم الرقم القياسي في نفس اليوم وصار فيه 17 ريال> الحمد لله شفت كيف أنا بخير> > @ @ @> أحب اطمنك صرنا نسوي رجيم غصب عنا> تعرف اللحم ما عاد نعرفه> حتى الدجاج ما عاد نأكله> صرنا رشيقين> تسمع بالكرش ما عاد نشوفها> تسمع بالبطن اللي لاصق في الظهر> يوووووه في كل مكان نشوفه> نم قرير العين الشعب بخير> لاتتعب نفسيا ودور في النت توأم تفصلهم> توائمنا ليش ينفصلووو> صلة الرحم زينه خلهم يتشابكون طول العمر> يمكن لو فصلناهم يتهاوشون ويفترقون> خلهم متشابكين في جسد واحد> الله لا يغير علينا> @ @ @> ابشرك طال عمرك شعبك تطور> استبدل البكاء بطعم الملح ببكاء بطعم الدم> آآآآآآآآآآآآآآه يا حلو مذاقه> ودك تجربه؟؟> انا أقولك وشلون> نظف منزلك من حليب الأطفال> نظف جيبك من الفلوس> نم ومخباك فاضي> خل زوجتك تصحيك من النوم قبل الفجر> وتقولك أن طفلك ما عنده حليب/]> دق الشماغ ولف على جيرانك> دور سلف.. علشان تشتري حليب لطفلك> الجميع بيطردك لأنهم طفارى> انس انك ملك وأرجع للبيت> بتدخل على أنغام بكاء طفلك> عندها ستحتقر نفسك وانت عاجز عن اشباع طفلك> عندها ستلعن اليوم اللي انولدت فيه> عندها ستلعن اليوم اللي انولد طفلك وصرت مسؤول عنه> عندها ستضمه وستبكي من القهر> ستنزل دموعك وتحس بطعم الدم في حلقك> @ @ @> تذكر طال عمرك يوم حنا صغار وش كانو يقولون لنا> كانو يقولون الرجال ما يبكي> عيب تطلع دموعه> صرنا نصيح عادي> البكاء صار ملازم لنا> والسبب كومة لحم (أطفال ونساء) في رقبة الواحد> يبكي لأنه عاجز عن توفير الحياة الكريمة لهم> @ @ @> بس ودي أقولك شي قبل ما أروح أصيح> تدري وش معنى الرجل يبكي قدام زوجته وأطفاله> معناها تساقط كل قيم الرجولة اللي تعلمناها في طفولتنا> معناها إحساس المرأة بالانكسار وعدم الأمان> معناها خنوووووع ما بعده خنووووع للظروف القاسية اللي وضعنا فيها> معناها أمور كثيرة ما راح تفهمها..> ///////// /////////////////>
///////// /////////////////> المرسل أبنك: جيفارا المنتف والملحط

b!@ck_Mo0oDy cheers

من طرف **قيصر& الحب** الخميس أبريل 03, 2008 5:01 am

اي والله ,,,,, الله يخارجنا من هل الارتفاع الضخم في الاسعار

من طرف b!@ck_Mo0oDy الخميس أبريل 03, 2008 8:58 am

مِـــــــــــــــــشـــكــــوووووور على المرووووووووووووور cheers

رسالة مواطن إلى خادم الحرمين الشريفين

رسالة مواطن إلى خادم الحرمين الشريفين

رد: رسالة مواطن إلى خادم الحرمين الشريفين

رد: رسالة مواطن إلى خادم الحرمين الشريفين